Akoa eta Aizarna bi bailara itxi dira, alegia, urak lur azpitik desagertzen dira. Bi bailarok oso loturik egon dira baserriari eta, ondorioz, nonahi ikus daiteke ardi-larratze tradizionala, latxa delakoarena hain zuzen. Aizarnako jatorriak antzin-antzinakoak dira eta hark sortu zuen Zestoa herribildua. Aizarnako lehengo indar ekonomikotik parrokiko eliza bera dugu erakuskari eder, XVI. mendean osorik eraikia. Anberesko eskolako triptiko flamenko bat (XVI. mendea), gipuzkoar portada errenazentista ederrenetariko bat, eta interes handiko altzari-elementuak gordetzen ditu.